Fór ekki og færi ekki

Mótmæli mun aðeins auka líkur á því sem verið er að mótmæla. Minni á orð Móður Teresu þegar hún var beðin um að mæta í mótmælagöngu gegn stríði: Nei takk en látið mig vita þegar þið farið meðmælagöngu með friði.

Það sem við hugsum og gerum eykur aðeins líkurnar á því sem við hugsum um.

Auðvitað vill fólk vel með þessu framtaki og eflaust er góður hugur á bakvið en þessi aðferð er ekki rétt. Þeir sem vilja kynna sér það mjög vel það sem ég er að halda fram geta horft á myndina The Secret.

Hugmyndafræði mín er sú að það sem við hugsum um og látum tilfinningu í mun verða hvort sem um slæma eða góða hugsun er að ræða. Tek samt fram að góð hugsun og góð tilfinning er hundrað sinnum áhrifaríkari en hin leiðin.

Mikið nær væri að fara meðmælagöngu með öruggum akstri. Vekja athygli á á réttri hegðun en vekja upp tilfinningar um það sem miður fer.

Gaman væri að fá smá umræðu um þetta ef menn hafa áhuga.

 

Mikil þátttaka í göngu gegn umferðarslysum

Athugasemdir

[Torfi Jóhannsson - Framtíðin er okkar., 26.6.2007 kl. 21:45]

Ég er svo vissulega sammála þér í þessu, hins vegar hefði verið flottara að kalla þetta "Göngum saman til bættrar umferðamenningar"  Þar hefðu allir straumar orðið jákvæðir og hægt að nota þá orku á jákvæðan hátt.

Get ímyndað mér að flestir hafi mætt í gönguna með jákvætt hugafar og vonandi að það hjálpi okkur að bæta umferðamenninguna.

Ekki oft sem ég er með boðum, bönnum og auknum sektum enn ég var tekinn fyrir ofhraðan akstur á vesturlandsveginum á laugardaginn. Ég var tekinn á 112km/klst þar sem mátti vera á 90km/klst játaði sekt mína og spurði síðan hvað þetta væri há sekt. Lögregluþjóninn sagði 30.000 kr og hreinlega fölnaði í aftursætinu og fór ekki yfir 90km/klst eftir það alla leið vestur á Þingeyri.  Ég held að þetta atvik hafi dugað fyrir mig, núna fer ég ekki yfir löglegan hámarkshraða.