Með eða á móti?

Á hverjum einasta degi þurfum við að takast á við aðstæður og fólk sem er á móti okkar skoðunum eða lifnaðarhætti. Við þekkjum fólk sem jafnvel byggir tilveru sína á því að vera á móti öðrum.

Slík hugsun og aðgerðir tengdar því eru því miður ekki fallnar til þess að minnka það sem þetta fólk er á móti heldur þvert á móti. Það sem þú berst gegn eflist við það eitt að það sé einhver á móti. Þetta er eitt af grundvallarhugmyndum sem við þurfum að temja okkur.

Móðir Teresa vissi þetta leyndarmál. Við getum öll verið sammála því að hún er einn merkasti einstaklingur síðustu aldar fyrir friðarstarf sitt og hjálp við hina bágstöddu. Hvað sagði hún þegar henni var boðið að taka þátt í mótmælagöngu gegn stríði? Sagði hún ,,ég mæti, það veitir sko ekki af að mótmæla stríði"? Nei, nei og aftur nei hún sagði og leggið þessi orð á minnið: NEI EN LÁTIÐ MIG VITA ÞEGAR ÞIÐ FARIÐ MEÐMÆLAGÖNGU MEÐ FRIÐI.....

En hvers vegna er ég að velta þessu upp núna, jú vegna þess að mér finnst við íslendingar vera að leiðast út í þetta far þ.e. að vera á móti. Hér áður fyrr höfðum við hreyfingar sem börðust fyrir einhverju eins og t.d. Ungmennafélögin sem börðust fyrir sjálfstæði landsins og hreyfingu landans, þau eru en á lífi í dag og gegna mikilvægu hlutverki. Í dag getur maður varla opnað blöðin án þess að sjá skilaboð frá einhverjum sem vill berjast gegn nauðgunum, stríði, fátækt, umferðarslysum og mörgu mörgu fleiru. Vissulega eru þetta allt mál sem við þurfum að taka á en við verðum sem þjóð að taka okkur á og fara að breyta hugsunarhætti okkar.

Það er margt skelfilegt í heiminum en við hjálpum ekki til með því að vera á móti því. Við verðum að berjast fyrir hinu gagnstæða og þannig skapa rými fyrir eitthvað annað en það sem við erum á móti.

Fátæku fólki gagnast það ekki að við séum á móti fátækt, heldur það að við séum að berjast fyrir því að allir hafi það gott.

Athugasemdir

[Halldóra Skúladóttir (IP-tala skráð) 17.12.2006 kl. 22:43]

FRÁBÆRT !!  Hlakka til að lesa bloggið þitt yfir heitum Herba-te bolla á morgnana.  Þannig að það er eins gott að þú verðir dulegur að skrifa....... 

Kveðja, Halldóra Skúla

[Einar Sveinbjörnsson, 18.12.2006 kl. 00:50]

Líst einkar vel á jakvætt hugarfarið Björgmundur !  Haltu áfram að koma með smámola á þessum nótum fyrir okkur hin.  Ekki veitir af.  Nóg  er fyrir af niðurrifinu og nagginu.

ESv