Auðvitað

Það er náttúrulega búið að vera svo rífandi gangur í samfélaginu að það er um að gera að slaka aðeins á og koma sér í frí......

.... væri ekki sniðugra að maðurinn færi í svona ævilangt frí.... þá væri kannski hægt að fá menn í starfið sem gerðu eitthvað....

góðar stundir.

Þorgerður Katrín leysir Geir af

Frábært

Þetta er snilldar árangur sem hjónaleysin Geir og Ingibjörg eru að ná. Verðbólgan fer ekki yfir 14%... húrra.... húrra.

Að vísu mun fasteignaverð lækka aðeins meira, 30 milljóna eign mun ekki lækka um 1,5 milljón heldur 3 milljónir.... en hvað er það á milli ríkisstjórnarinnar og almúgans. Þetta er jú allt okkur að kenna, við getum alveg séð af þessum millum meðan Geir er að bíða eftir að Tryggvi komi mönnum saman til að ræða málin.

En af því að bankarnir eru líka að bíða eftir aðgerðum þá lána þeir bara á okurvöxtum (því þeir fá bara okurvexti erlendis þ.e. ef þeir fá einhver lán) og af því verðbólgan er bara 14% þá eru lánin að hækka og hækka á húsunum... spurning hvort eitthvað verði eftir að lokum?

 Það er alla vega gott að hugsa til þess að ríkisforkólfarnir eru að spara með því að fara um heiminn á einkaþotu en ekki á almennu farþegarými í áætlunarflugi, þannig gefst þeim meiri tími til að vinna á verðbólgunni.......

góðar stundir.

Spá hámarks verðbólgu í ágúst

Ekki veitir af

Þegar hlutabréf hafa lækkað um 55% á einu ári. Fasteignaverð er að hríðfalla, atvinnuleysi er að snaraukast, gjaldþrotahrina er hafin og ég veit ekki hvað ég á ekki að nefna (verð samt að nefna olíuverðið sem er að stórum hluta gjöld hins opinbera) þá dettur Geir í hug að ráða til sín sérfræðing.

Það á ekki að framkvæma það á að ræða málin og spekulera. Koma mönnum saman, fjandakornið eins og að Ísland sé svo stórt að það þurfi sérstakan mann til að kalla menn saman!

Er ekki bara að boða menn á Kaffi París ef stjórnarheimilið er ekki nógu gott.

En það svo sem veitir ekki af því að ræða málin aðeins betur meðan allt fer til andskotans á meðan. Já ég er fúll. Er ekki hægt að framkvæma þarna í ráðnuneytinu frekar en þetta?

Ef Geir veit ekki í alvörunni hvað á að gera þá á bara að skipta út, ekkert kjaftæði. Við erum ekki að kjósa á þing menn sem ráða til sín menn sem eiga að koma mönnum saman sem eiga að segja þessum manni hvað væri best að gera sem tekur það svo saman í skýrslu fyrir forsætisráðherrann, helvítis rugl hefði einhver sagt heima fyrir vestan.

En ég er náttúrulega bara sveitastrákur, hvað veit ég.....

Liðsstyrkur í baráttuna

Til bjargar litlu bönkunum

Mikið var að það kom smá litur frá ríkinu. Litlu bankarnir (þeir sem aldrei hafa verið í eigu ríkisins) munu hagnast mest á þessu því að það eru þeir sem eiga erfiðast með að endurfjármagna sig eftir óðagot stóru bankana. Staðan er þannig hjá þeim að þeir eru að tapa á þessu húsnæðislánum og ef við ætlum að halda samkeppni við stóru bankana þá þurfa litlu bankarnir að standa af sér storminn sem núna gengur yfir.

Hvort sem við erum sátt við starfsemi bankanna eða ekki þá verðum við að skjóta styrkari stoðum undir þá til framtíðar. Það þýðir lítið að berja hausnum við steininn og segja að þeir verði að redda sér sjálfir. Lánsfjárkreppan er alþjóðleg og kemur því miður verst niður á bönkunum okkar. Hjá bönkunum starfa mörg þúsund manns sem á allt sitt undir því að þeir starfi áfram. Það sem er enþá mikilvægara er að nánast öll fyrirtæki landsins eiga allt sitt undir því að þeir geti starfað áfram (þeir sem ekki eiga það eru Herbalifedreifingaraðilar... aðeins að pitsa sitt eigið).

Það skiptir því miklu fyrir almenning í landinu að bankarnir nái sér á strik. Það er fólk, venjulegt fólk sem stýrir þessum bönkum og ég held að þeir séu búnir að ná því að við teljum að þeir eigi að fara mun varlegra í sakirnar í framtíðinni. Ég er nokkuð viss um að þeir muni gera það því jú maður þekkir mann (lang flestir starfsmenn bankanna eru jú hluti íslensku þjóðarinnar).

Við sjáum að bankageirinn er að taka til hjá sér með sameiningum og hagræðingu. Það er mjög mikilvægt að þeir haldi því áfram til að við getum eflt traust á þeim. Þeir eru jú til framtíðar ein af stoðum atvinnulífsins á Íslandi og því mikilvægt að þeir komi sem best út úr þeim hrakningum sem eru á alþjóðamarkaði.

HVort sem við fílum þá sem eiga bankana eða ekki þá er staðreyndin sú að við eigum öll mikið undir því að þeir komist út úr þessu tímabili sem þeir eru í sem allra fyrst. Þetta eru íslensk fyrirtæki en ekki erlend glæpafyrirtæki.

Það er sitthvort að halda þessum bönkum sterkum og síðan að rannsaka hvort eitthvað hafi farið úrskeyðis við sölu þeirra á sínum tíma, við megum ekki rugla því saman. Það eru allt aðrir sem eiga stóran hlut í bönkunum í dag en áttu í þeim á sínum tíma.

Snúum okkur að því að efla fjármálakerfið, þetta er fyrsta skrefið svo þurfum við að sjá styrkingu gjaldeyrisforðans.

Góðar stundir. 

Íbúðalánasjóður endurfjármagnar húsnæðislán fjármálafyrirtækja

1991-1995 að endurtaka sig!

Við erum að upplifa nánast það sama og þegar kratar og Sjallar voru í samstarfi síðast. Algjört hrun hjá fyrirtækjum, gífurlegt atvinnuleysi og brátt munum við sjá fólk flykkjast úr landi.

Ráðaleysið er algjört, því miður fyrir okkur almúgann.

 Spurningin er hvort við þurfum að þola þetta út kjörtímabilið eða hvort við berum gæfu til þess að ríkisstjórnin springi og aðrir komist að til að stjórna landinu í þá átt sem nauðsynleg er.

Þarf þessi ríkisstjórn 10% atvinnuleysi og að 2.000 fyrirtæki fari á hausinn á mánuði til að fara frá? Er ekki nóg 3,1% atvinnuleysi og 200 fyrirtæki á mánuði?

Eina gáfulega sem hægt er að gera núna er að boða til nýrra kosninga, nóg er af fólki sem kann og getur afstýrt þessu hroðvitningslegu vinnubrögðum sem nú eru stunduð á Alþingi.

Nýjar kosningar takk.

 

Atvinnuleysi 3,1% á öðrum fjórðungi

Vatn í fríið og fyrir fólkið

Svo er maður á leið til Barcelona í heila viku í Júní ásamt 200 öðrum Herbalifedreifingaraðilum. Uppáhaldsshakeinn minn er Jarðaberjashake með frosnum jarðaberjum út í VATN..... maður verður sennilega að borða laugardagsshakeinn í heila viku... hehe... smákökubragð út í soyamjólk.

Svo er náttúrulega spurning hvort við tökum ekki 5 lítra af vatni hver í handfarangur og færum Börsunum 1 tonn af vatni!

Eiður Smári gæti kannski fært þeim það fyrir okkur, ja eða Beckham, eftir því hver er laus... :)

Kv.Bo

Drykkjarvatn til Barcelona

Mikið rétt, mikið rétt

Ástandið í þjóðfélaginu er orðið skelfilegt og minnir um margt á tímabilið 91-95 þegar Sjálfstæðismenn og Alþýðuflokkur fóru með völd á Íslandi.

Þá þurfti almenningur að blæða eins og núna. Þá hrundi hvert fyrirtækið á fætur öðru eins og stefnir í núna.

Og hverju svarar ríkisstjórnin? Jú Framsókn er um að kenna?!?!?

Í stað þess að takast á við vandamálið þá er leitað að blóraböggli, þvílíkur skortur á kjarki.

 Ingibjörg kemur fram á sjónarsviðið þegar henni datt í hug að koma til landsins og bað um þjóðarsátt, en gleymdi að það er einmitt hennar hlutverk í ríkisstjórn að boða til hennar.

Ef Guðni væri í ríkisstjórn væri löngu búið að boða til þjóðarsáttar launþegum og almenningi til hagsbóta.

Íbúðalánasjóður er eina hálmstrá verktaka í dag. En ríkisstjórninni hefur dottið það snjallræði í hug að slátra verktökum og ná þannig húsnæðisverði niður, sem sagt arðræna verktaka og almenning í landinu til að ná niður verðbólgu í stað þess að takast á við hana.

Hvernig væri nú að lækka álögur ríkisins á vörur og þjónustu, það mundi nú skila sér út í vísitöluna.

Hvernig væri það nú að aflétta stimpilgjöld þannig að raunveruleg samkeppni á bankamarkaði gæti hafist og almenningur náð að skuldbreyta lánum sínum til að GETA borgað af þeim.

 

Framundan er tími atvinnuleysis og gjaldþrota, er það það sem við viljum?

 

Áfram Guðni, hvergi víkja í baráttunni.

 

E.S.Þjóðaratkvæði um inngöngu í ESB takk.

Guðni: Það er runnin upp ögurstund

Hálfnað verk þá......

Ákvað í síðustu viku að taka aðeins til í lífinu. Það er eins og stundum að maður blokkerist í einhverri vitleysu að sumt bara hverfi ef maður hvorki hugsar eða vinnur í því. Þetta hefur alltaf verið mitt vandamál.

Tók mig til í síðustu viku og hóf að byrja að taka til bak við eyrað. Fann nokkra hluti sem þurfti að taka á. Skerpti á öðrum hlutum sem voru eitthvað byrjaðir að drolla.

Verð að viðurkenna að þetta er svipað og svona jólahreingerning. Manni hrís hugur við að byrja á því en veit að það þarf að gera þetta. Síðan þegar maður byrjar þá er þetta einhvern vegin minna mál en maður hélt. Allir voða duglegir að hjálpa manni að klára ýmis mál.

 Það er á svona stundu sem ég minnist orða ömmu minnar heitinnar. En hún sagði stundum við mann þegar maður var að drolla eitthvað: "Hálfnað verk þá hafið er".

Ég verð að segja að stundum finnst mér eins og þetta máltæki gæti verið,, búið verk þá hafið er" en svona að meðaltali þá eru verkin hálfnuð.

Það er ótrúlega gott að hugsa til þessa málsháttar. Þá er svo auðvellt að byrja, maður er bara hálfnaður eða næstum búinn bara við það að hreifa litla putta.

 

hhhoooooohhhhhhhæææjjjjj

Jæja þá er maður vaknaður af værum bloggblundi.

Tek fram að myndin er ekki af mér... :) er Googluð eins og allar aðrar myndir á blogginu hjá mér.

Langaði að deila með ykkur eftirfarndi link:

http://www.thesecret.tv/secret-to-riches/TheSecret-Visualization.mov

Það er mikilvægt fyrir okkur að hressa upp á sálina okkar öðru hvoru og hvað er betra en að sjá vel gerða smáræmu með góðri tónlist.

Mæli með daglegri notkun.

Nýtt ríki

Ætli það sé ekki hægt að stofna nýtt ríki einhvers staðar á jarðarkringlunni þar sem allir eru velkomnir, ný "Bandaríki"?

Til dæmis einhver eyja í Atlantshafi eða partar af landi í norðri.

Löngum hefur verið sagt að það sé nauðsynlegt að styðja við ríki til að það verði ekki til flóttamenn. En hingað til hefur bæði sú aðstoð brugðist, sem og vitum við að þeim fer fjölgandi sem flýr vegna náttúruhamfara samfara breytingum á veðurfari á hnettinum okkar.

Er ekki kominn tími á að við ræðum það í alvöru hvort ekki sé spurning um að stofna nýtt ríki... fríríki þar sem allir eru velkomnir, því einhverra hluta vegna virðist þeim löndum sem vilja taka við bræðrum okkar fara fækkandi, því miður.

Laumufarþegarnir verða fluttir til Möltu